تورکوت ئۆزال دۆزا باکورێ کوردستانێ.

محمد/كفاري

گۆتنێن ئۆزال بئاڤا زێڕی هاتینە نەخشاندن، ئێک لدویف ئێکێ، ژبەر هندێ ب ژەهرێ هاتە کوشتن.

تورکوت ئۆزال سەرۆک کۆمارێ تورکیا یێ بەرێ، ل سەر دەمێ دەستهەلاتاخۆ، شرۆڤەیەکا هویربـین داڕێشت،دەربارەی وێ مژارا ل باکورێ کوردستانێ چێبوویی.

دانوستاندنەکا شرۆڤەکاری دناڤبەرا سەرۆکێ تورکیا و بەرێز سەرۆک مسعود بارزانی ل سالا 1992 هاتە ڕووژەڤێ، ئەو گۆتنێن تورکوت ئۆزال  ل بەرامبەر سەرۆک مسعود بارزانی گۆتین، بەحسێ ئایدولوژیا پارتا کارکەرێن کوردستانێ PKK ێ دکەت.

ئۆزال دبێژیت…..

هیڤییە بێژنە گەلێ کوردستانێ ڕێکێ نەدەنە ڤێ ڕێکخڕاوێ چ لڤێ دەڤەرێ بیت یان ل دەڤەرەکا دی، کوڕێت وەلاتێ وە بێ ئەگەر بدەنە کوشتن، چێدبیت گۆهدارییاوە بکەن، چونکی ئەڤە نەشەڕەکە کورد دکەن بەلکو بەرۆڤاژی ئەو کەسێن ڤی شـەڕی بڕێڤە دبەن، ئەو دوژمنێـن کوردانە، وان دڤێت کوردان ڕاکێشـن بۆ ژێر ڕکیفێـن خۆ، دیسان تورکوت ئۆزال دبێژیت، ئارمانجاوان ئەوە کورد ل دەڤەرێن خۆ مشەخت بـبن، زاڕۆکێن وان بکوژن، مالباتێن وان پرت و بەلاڤ بکەن، نیڤەکاوان ببنە خۆدان ڕابڕدوویێن خرابکارو تیرورست و ئەنجامدانا تاوانان.

بڤێ ڕێکێ دێ دو ئارمانجان بدەستڤە ئینـن.

1- گرتناهەمی دەرگەهان ل به رامبەر کوردان کو دشیاندا نەبیت مافێن خۆ یێن سروشتی و دیموکراسی بدەستڤە بیـنن، هەروەسا داخوازیێن کوردان بێخنە مەترسییێ ل بەرامبەر جیهانێ وەکو مرۆڤێن تیرورست بدەنە ناسکرن.

2- مژەویکرنا پروفائیلا زارۆکێن کوردان،ژلایەکێ دیڤە ڕێگریکرنا کوردان کو بگەهنە پلەو پۆستان دناڤ دەزگەهێن دەولەتێدا.

لەوا پێدڤییە کورد زور هوشیاربن، نەکەڤنە خێفکا ڤێ ڕێکخراوێ، ئەگەر کوردان ڤیا تشتەکی بدەستڤەبینن، نابیت زاڕۆکێن خۆ ڕەوانەی چیا بکەن، داکو برس و فیشەک گۆشتێ لەشێ وان نەخۆن، بەلێ یافەرە کورد زاڕۆکێن خۆ پەروەردەبکەن چەوا ببن کەسانێن ب هێزو پێشکەفتـی.

باوەر ژمن بکەن 10 هەتا 20 سالێن دی، دێ هەمی مافێن خۆ یێن دیمۆکراسی بدەستڤەئینـن، بەلێ ئەگەر هەتا 100 سالێن دی شەڕێ مەبکەن ناگەهنە چ ئارمانجان، دێ پاشڤە زڤڕن، ژبەر کو ئەوێن حەز دکەن بەردەوامییێ ب شـەڕی بدەن ئەو بخۆ دوژمنێـن کوردانە .

ژێدەر- ئاژانسێن کوردستانی

تێبینی ژزمانێ عەرەبی هاتییە وەرگێڕان.