گۆڤارا دەنگێ شێخان گۆڤارا دەنگێ شێخان
شێرزادێ شێخهسنی
ل گهل دهرچوونا ژمارهیا ئێَكێ یا گۆڤارا شێخان پیرۆزباهیێ دكهین و پاشی گلهیی و رهخنهیێ ژی ل خۆ دكهین و ل نڤیسهر و رهوشهنبیرێن دهڤهرێ دكهین كو ههتا نها مه خۆ ل دهرئێخستنا گۆڤارهكا گرنگ مینا ئهڤێ نهكرینه خودان!. داكو ئهوی سینگێ ژ دهربڕینا پهیامێن پڕی رامان ل ڤی باژێرێ دلان پهقی دهربكهڤن و ببنه ئاگر و ل گهل وی ئاگرێ ل هنداڤ (ئێسییا) دگۆڕگۆریت و زێڕێ رهش دمخمخیێت و دهوورته رویبارێ ڤهژاندنا ژیانێ دا. ئهو گۆڕ گۆڕا تهمامكهرا بابا گۆڕگۆڕا (كهركووكێ) دلێ كوردستانێ داكو ببیته سامانهك پێكڤهژیانێ ل كوردستانێ نیشا بدهت. ئهڤه شێخانه و زمانحالێ پێكڤهژیانێ یه , رووگهها مرۆڤاتیێ یه, لالشا نۆرانی یه، ئهردێ خورسوبادێ یه, مێژوویهكێ ل ئهنیا میزۆبۆتامیا تۆمار دكهت, كنیشتهیێن جیهانی یێن كریستیانان دهكهته نیشان و هێمایهك ئایینێن ئاسمانی پێ دخهملینیت و كهلها ئهلقووشێ گیانێ (نهبی ناحۆم) كهڤنترین پێغهمبهرێ ئایینی ههمبێز دكهت، مانه ئهڤه ئهردێ خۆشمێر و عهگیدانه, سیمبۆلێن قارهمانیێ یه یێن خۆ كرینه شیرهه و مهتال ل هنداڤی گڤاندهیا كوردستانێ ب خوینا خۆ ئاڤدايین؟، ئهڤ سامانێ ژ بن ئهردێ شێخانه دهردكهڤیت نهك ژبۆ هندێ یه كو ببیته قرێژا دهستان و بهێته مهزاختن بۆ مووچهیێن میلیشیێن قهلهرهش و تیرۆرستێن سهفهویان ژلایێ دهسههلاتێن ستهمكار ڤه دهمارا خوینا ههژارێن كوردستانێ پێ ببڕیت و ههكه بدهت ژی بمهزێخیت دێ كهته منهتهك و ژ گای گوهی نیشا كارمهندێن كورد بدهت!. ئهڤجا ئهڤنه نه كلگێن گازێنه ئهڤه خوینا شههیدێن وهلاتینه، خوینا شههید مهحموود ئێزدی و شههید وهیسی بانی یه و ب سهدان شههیدێن رێیا رزگاریخوازا كوردستانێ یه چوویه ژێر زهمینا وێ، لهورا شێخانا نۆرانی پێ زهنگین كریه و خهملاندیه، مێژوویا ئهسكهندهرێ مهقدۆنی یه دهمێ ل سهر بالیفكا ناوهسكێن شێخهسنێ و خنس و گوندێن دیتر خۆ تهرحان كری و دهسههلات ل نیڤا ئهردی كری. مێژوویهكه مهسجیێن وێ و ئێس ئێم ئیس یێن وێ. پۆسته و گههاندنێن وێ ژ گركێن مالتایێ (مهعلتایا) و گرێ جرهحیێ و دوشیڤانێ و مهههتێ بوون پهیام و نووچهیێن لهزگین یێن ئیمبارتۆران پێ دگههاندنه ههڤ. ئهڤه شێخانه نه ههر ئهردهكێ دی یه، ئهڤه گهلیێ دێركێ یه بهژنا زراڤا مزوریاینه قناتا سوێس یا كوردانه لهشكرێ سهدام حوسێن ههمی ل ڤێرێ ل ڤێ خالێ؛ خۆ رادهستی پێشمهرگهی كربوون، رۆژا بوویه پهلهپهلا مهزنه ئهفسهرێن رژێمێ ل ههمبهر سیبهرا شێرێ كوردستانێ فهرمانده عهزیز وهیسی بانی و شێخ عهلۆیێ گهلێ رۆمانی و فهریق جهمال ئێمینكی و شێره پێشمهرگێن چڕهی و بهردهرهش و پسمامێن ئێزدی. ئهڤه ئهو دهڤهره یا كو تیرۆرست و قهلهرهشكێن داعش ل رادهیێ خۆ راوهستایین و نهوێریایین تهڤلی ئهردێ شههید شێخ ئهحمۆی ببن.
ئهڤجا چونكو دهڤهرا شێخان د ناڤ دلێ كوردستانێ دابوو ههردهم دوژمن و داگیركهران كربوو گڤاندهك و ب توخیبێن دهستكرد ژ نهخشهیا خۆ دویر كربوو، و ههتا نها ژی یا د ههمان نهخشهی دا دنالیت و شهڕێ دهستووری یێ ب مادهیێ 140 دهێتهكرن مایه ههلاویستی ژ بهر ڤهكێشك و ئهجیندهیێن سیاسی و سیاسهتێن وان یێن كویر!. خواستینه كۆڕێن دهڤهرا شێخان بمیننه د ناڤ نال و بزماران دا نه ل ههرێما كوردستانێ ببنه وهلاتی و نه ئیراقێ كو نها ب سهدان گهنج ماینه بێ كارتێن بایۆمهتری! ژبلی كاروبار و ئیمتیازاتێن دی یێن مافێن وان یێن ههژی.
ئهڤ دهڤهرا كو باب و باپیرێن مه ب خوها ئهنیا خۆ بهرههمێن وێ چاندین و مه ژی چنین، نها بوویه پهرژانهكێ درێژ نه ل ئهردی و نه ل ئهسمانی خۆجهی دیتیه ژبهر مایتێكرنێن سیاسی و شۆفێنی یێن كو نهشیان مهزنترین پێگههێ وێ تێكبدهن، ئهو ژی سامانێ پێكڤهژیانێ یه، چونكو ب راستی ژی دهما تو دچیته شێخان و باژارێ ئیسڤنێ تو نزانی ئهڤه وهلاتێ ئێزدیانه یان مهسیحیان یان بسرمانان، عهرهبان یان كوردان، توركمانان یان شهبهكان و ..هتد ژ ههمی رهنگ و مۆزاییكان!. شێخان پهناگهها مرۆڤاتیێ و ئارامیێ یه هێمنترین باژاره ل سهر رویێ ئهردی.
