سەرهاتییەک بۆ هزرێـن ساخلەم !؟

محمد كفاري

ل دەستپێکا بجهئینانا سیسـتەمێ کۆماری ل عیراق، عبدالجبار جومرد پۆستێ وەزیرێ دەرڤە وەرگرت، دیسان محمد حدید پۆستێ وەزیرێ دارایی وەرگرت، هەردو خەلکـێ پارێزگەها مۆسل بوون، عبدالجبار کەسەکێ سیاسـی نەبوو بەلێ وەرزشڤان و هونەرمەندو نڤیسەر بوو، محمد حدید ژی بابـێ زوها حبیب بوو، ئەندازیارا ئاڤاهییان، ژنەک بوو ژپسپۆرێن گەشەپێدانا ئابووری ل وی دەمی.

پشـتی هەردو وەزیر دەستبکاربووین، توشـی ئاریشەکا سەیربوون، چێدبیت ئەو ئاریشە توشی چایچییەکێ وەزیرێ ڤی سەر دەمی نەهاتبیت،ئاریشە ئەوبوو هەردو وەزیران جهێ ڤەحەویانێ نەبوو.

ڤێجا باوەربکەن یان باوەرنەکەن، دو مەترسیدارترین وەزارەت وەرگرتن دناڤ حکۆمەتێ دا،لەوا هەردو وەزیر نەچاربوون ژۆرەکێ دناڤ ئوتێلا ( جبهە النهر ) ل نێزیک پرا الاحرار کرێ بکەن.

رۆژەکێ هەڤالەکـێ وان سەردانا هەردوکان کر، ناڤـێ وی فاروق بوو، هەڤالێ وان یێ قۆناغا ئامادەیی بوو، دیت هەردو وەزیر یێ تێشتا سپێدێ ئامادەدکەن، تێشتاوان چاپەستەکێ چایـێ و نان و پەنیر بوو.

هەڤالێ وان فاروق گۆتێ هوین هەردو نوکە وەزیرن، هوین بەرپرسـن، ئەرێ وە ماف نینە هەر ئێک ژوە خانیەک هەبا ل سەر لێڤارێن ڕویبارێ دجلە؟

هەردو وەزیران بگڕنـژینەکا جوان و قەشەنگ گۆتن…..

ئەم یێت هاتین خزمەتێ بکەین، نەک ببین خۆدان دەستهەلاتدار ل سەر سەرێ خەلکـی……