کانیا گول

سحاریەکی

تاڤ ل سەر سەرێمن

خویدان دلۆپ دلۆپ

ژ ئەهنیا من تێ خارێ

لێ من سارە

ژ نیشکەکێ ڤە

بەرف و باران

وەکی هاسنەکی سنجری

لێ دکەڤیت جانێ من

من د شاڤوتینیت

خاردانەکیب هێز دکم

دگەهم بەر روبارەکی

رەخێن وی باخچە گولێن

رەنگ ب رەنگ

روبار پر زەلال

جار هید و جار ب هێز دهەریکی

ئەز پر تێهنی مە

دەستێ خوە تیژی دکم

ژ ئاڤا روبارێ

لێ دبینم کو

ئاڤا ناڤا دەستێ من

بویە خوین

ئەڤ چیە؟ چ رامانە؟ چ نیشانە؟

گەل ڤان پرسیاران

ب دل شادی

ڤەدوخوم وی خوینێ

ئو دکەڤم خەونەکی

د ناڤ دەریایەکی، تەنێ مە

دەریا شین دبیت

گول نێرگز، گول شلێل، کولیلک ڤەدبن و خێرهاتنا من دکن

ژ نیڤا گولێ کانیەک دزێت

و د هەرکێت

گول شلێل خو ددیت بەر

تیژیدبیت ژ ئاڤێ

نێرگز ددیت بەر دەڤێ من

لێ بەس لێڤێن من تەر دکێت

بەلکو

گرەکێ ئاخ ناهێلیت رێک نادیت

تێر ژێ ڤەخوم

دبێژیت بەسە، بەردەوامیا وی

حەتا تو ب تەمامی

د گەل مزگینیا ئازادی

واری گەلمە

لێ هێشتا مایە

ئەم ل هیڤیا هاتناتە بن

ئەم ل هیڤیا مزگینیا تە بن

داکو پێکڤە ب دل شادی

تێر ژ کانیا گول

ئاڤێ ڤەخون

داکو ژ نوڤە

سەر ئاخا وەلات

شین ببن.