وەزارەتی تەندروستیی هەرێمی کوردستان، بە واژۆی دکتۆر سامان بەرزنجی، وەزیری تەندروستی، نووسراوێکی فەرمی ئاراستەی سەرجەم بازگە و بازاڕەکان کردووە و تێیدا قاوەی ‘چوکلێتی’ قەدەخە کراوە.

وەزارەتەکە ئاماژەی بەوەداوە کە بازرگان و فرۆشیارانی ئەو جۆرە قاوەیە ڕووبەڕووی دادگا دەکرێنەوە، چونکە بەپێی زانیارییەکان، قاوەکە ماددەیەکی کیمیایی مەترسیداری تێدایە و بە نایاسایی هاتووەتە هەرێمەوە.

پشکنینە تاقیگەییەکانی بەڕێوەبەرایەتیی کۆنتڕۆڵی جۆریی دەرمان (KMCA) سەلماندوویانە کە قاوەی چوکلێتی ماددەی (sibutaramine)ـی تێدا زیاد کراوە، کە ئەم ماددەیە لەلایەن ڕێکخراوە تەندروستییە جیهانییەکان وەک FDA و EMA قەدەغەکراوە.