میرێ ئێزدییان پێشوازی ل شێخێ شێخێن هۆزا شەمەر ل عێراقێ کر

حوزه‌یران 7, 2026
ئیرۆ ئێک شەمبێ، 7ی حوزەیرانا 2026، میر حازم تەحسین سەعید بەگ، میرێ ئێزدییان ل کوردستان، عێراقێ و جیهانێ و سەرۆکێ جڤاتا ڕۆحانی یا بلند یا ئێزدییان)، پێشوازی ل شێخ عەبدوللا حەمیدی عەجیل ئەلیاوەر ئەلشەمەری (شێخێ شێخێن عەشیرەتا شەمەر ل عێراقێ) و شاندێ د گەل دا کر، ل کۆچکا خۆ ل قەزا شێخان.
نڤیسینگەها ڕاگەهاندنا جڤاتا ڕۆحانی یا بلند یا ئێزدییان بەلاڤ کر، پشتی بخێرهاتنێ ل شێخ عەبدوللا حەمیدی ئەلیاوەر، میری بەحس ل پەیوەندییێن دیرۆکی و برایینییا د ناڤبەرا ئێزدییان و هۆزا شەمەر دا کر کو ژ سەدان سالان وەرە هەی، بلند نرخاند
میرێ ئێزدییان تەکەز کر کو ئێزدی و شەمەر د دەمێن نەخۆشی و تەنگاڤییان دا، هەردەم پشت و پەنا بووینە بۆ ئێکودو.
ژ ئالییێ خۆڤە، شێخ عەبدوللا ئەلیاوەر ژی خۆشحالییا خۆ ب ئەڤێ سەرەدانێ دەربڕی، ڕێز ل ڕۆلێ هەردو ئالییان گرت بۆ بهێزکرنا پەیوەندییان و سوپاسییا میری کر بۆ پێشوازییا وی یا گەرم.