.. سەرسەری و شەلاتی ..

وەرگێران : محەمەد گڤاری .

ل سەردەمێ دەولەتا ئوسمانییان دگوتنە ئەو کەسێن چاڤدێریا بازاری و بازرگانان دکەن دەبارەی کونترولکرنا نرخێن کەل و پەلا کو ل سەر خەلکی نەهێنە گران کرن (سەرسەری) ، هەروەسا دگوتنە وان کەسان ژی ( شەلاتی) ئەوێن چاڤدێریا چاڤدێران دکەن ل سەر بازاری. بێگومان

بازرگانێت ل سەر دەمێ دەولەتا ئوسمانییان قوپیاو زەغەلی دئینانا کەلو پەل و پێدڤیێت ڕۆژانە و ئاهێن خارنێدا دکر، رۆژانە بهایێت تشتان ل سەر خەلکێ هەژار گران دکر،  ژبەر ڤێ چەندێ هندەک سەرسەری ژئالیێ دەولەتێ ڤە هاتنە دامەزراندن بۆ چاڤدێریا بازرگانان داکو بهایێن کەلو پەلاو ل بازاری گران نەکەن و خودان وژدان بن ، بەلێ بەری دەم ب سەرڤە بچیت بازرگان ب پلانا حکومەتێ حەسیان لەوا ژئالیێ وان ڤە سەرسەری ب ژنکێن جاری و پارەیان هاتنە بەرتیلکرن ، جارەکادی ڕەوشا بازاڕی وەکو بەرێ زڤری ڤە ،  ڤێجا بازرگانان ب کەیفا دلێ خۆ سەرەدەری دگەل بهایێ کەلو پەلان دکر ، رۆژەکێ سولتانێ دەولەتا ئوسمانی وەزیرەکێ خۆ ڕاسپارد کو دیڤچوونا بازاڕی و ڕەوشا خەلکی  بکەت  کا چەوا بڕیار ل سەر بازرگانان هاتییە بجهئینان  ، پشتی وەزیری دیفچوونا بازاری کری زانی سەرسەری یێت هاتینە بەرتیلکرن ژئالیێ بازرگانان ڤە کو هەر تشتەکێ وان بڤێت  ل دویف حەزا دلێ خۆ ئەنجام بدەن ، ئەڤ دەنگو باسە وەزیری گەهاندنە سولتانی، لەوا سولتانێ ئوسمانییان بریار دا هندەک شەلاتییان دامەزرینیت کو چاڤدێریا سەرسەرییان بکەن و ب بەلگە بهێتە سەلماندن کو سەرسەری یێ بەرتیلان ژبازرگانان وەردگرن ، بەلێ گوھ و چاڤێن بازرگانان یێ ل هەموو جهان ،  سەرسەرییان ژی بۆ بەرژەوەندێن خۆ شەلاتی ژی رازیکرن کو بێ دەنگییێ هەلبژێرن ، شەلاتی ژی ڕازیبوون چونکی سەرسەرییان ئەو پارەو جاریێت ب بەرتیلان وەرگرتین دگەل شەلاتییان ب نیڤی کرن ، هەروەکی  چ چێنەبوویە ، ئەرێ ئەو شەلاتی و سەرسەریێن ڤی چاخی ئەوێن   چاڤدێریا سەروەت و سامانێن خەلکی دکەن ل عیراقێ ، خەلکی ژی باوەری دایێ کو ئەو خۆدان دەستهەلات بن…… چەوا ژئالیێ خەلکی ڤە دهێنە هەلسنگاندن ؟