ئەرێ هەمی جۆرێن سترانان د شاهیاندا نورمالن؟
2كاتژمێر ago
4 ديتن
نڤیسین: هەلز سمیر حجی
ستران گوتن ئامرازەکێ گرنگە، ژ هەست و ناخێ هونەرمەندی دەردکەڤیت. نە تەنێ ئەو دەربڕینا هەست و هزرێن کەسۆکییە، بەڵکو دکاریت جڤاکێ خۆ بخوینیت، ب ڕێکا هونەرا خۆ دەنگ بێژیت، زمان و کەلتوورێ خۆ بپارێزیت و ڕێزێ ل جڤاک، داب و نەریت و ئایینێن دیتر بگریت، بێی هیچ مەبەستەکا تایبەت و لایەنگرییەکا دیاریکری.
ئەوەیا گرنگە، هونەرمەند دلەکێ مەزن و ویژدانەکا پاک هەبیت و خزمەتا جڤاکێ خۆ بکەت. هەروەسا، پێدڤییە بەردەوام شێوازێ خۆ بگوهۆڕیت و ل گەل سەردەم و گۆڕانکارییێن جڤاکی بڕڤیت. نە تەنێ د بازنەیەکا دیاریکریدا بمینیت، چونکی ستران گوتن تەنێ ڤەگوهاستنا پەیڤان و گوهۆڕینا کارەکتەران نینە، بەڵکو داهێنان و نویاتییە. ئەڤە ژی پێدڤییە وەک پاراستنا زمان و کەلتوورێ کوردی بەرچاڤ بهێتە وەرگرتن.
ستران گوتن تەنێ لێکدانا چەند پەیڤان نینە کو ژ دەڤی دەردکەڤن، بەڵکو هەستکرنە ب ئازار و خەمێن جڤاکی و ژیوارێ مرۆڤ تێدا دژیت. هونەرمەند پێدڤییە هەستەکا بەرپرسیاریێ هەبیت، بشێت هزر و ڕەخنەیێن جەماوەرێ خۆ تەقەبل بکەت و ب ڕێکا هونەرا خۆ پەیوەندییەکا بهێز ل گەل جڤاک و خەڵکێ خۆ دروست بکەت.
هەر جهەکێ تایبەتمەندییێن خۆ هەنە، بیر و باوەر و داب و نەریتێن تایبەت ب خۆ هەنە. نابیت ئەڤ چەندە بۆ مەبەستێن تایبەت و هونەری بهێنە پشتگوهاڤێتن، یان هونەرمەند بۆ گەهشتنا پلە و ناڤودەنگا خۆ، هەمی سنوورێن کەلتووری و جڤاکی تێپەڕ بکەت.
وەک سترانێن شاهیان، چونکی هەمی چینێن جڤاکی، هەردوو ڕەگەز و هەمی تەمەنێن جودا تێدا بەشدارن، پێدڤییە ئەم ڕێزێ ل وان کەسێن داوەتی بگرین. نابیت سترانێن خۆ گرێبدەین ب لەشێ ژنێ و سنگ و بەرسنگێن وێ، یان سترانێن خەم و کوڤانان بخەینە ناڤ قالبێ شاهیان و دۆهۆلێ لێبدەین و داوەتێ پێ بکەین. ئەڤە سڤکاتییە ب هەستێن جەماوەرێ خۆ، چ خەڵکێ داوەتێ بن یان نەبن.
ئەڤە دکاریت ببیتە خاڵەکا لاواز بۆ هونەرمەند. یا گرنگە خودانێن داوەتیان هندەک سنوور و سترانێن دیاریکری هەلبژێرن، دا هونەرمەند ژی نەبیتە ئەو کەسێ کو تەنێ ئەو پەیڤە بێژیت کو دکەڤیتە بەر دەڤێ وی، بێی لێهزرین و بەرپرسیاریێ. چونکی هەر جهەکێ شێوازەکێ تایبەت یێ خۆ یێ ستران گوتنێ هەیە.
ئەو تایبەتمەندییێن پێدڤییە ل دەڤ هونەرمەند هەبن
– ڕێزگرتن ل هەست و سۆزێن جەماوەری.
– تەقەبلکرنا ڕەخنەیان.
– بەردەوام خۆپێشخستن و ڕاهێنانکرن د بوارێ خۆدا.
– شێوازێ دەنگ و گوتنێ.
– کاریزمایا سەر ستەیجێ.
– جهێ لڤینێ.
– شێوازێ گوتنێ.
– دەمێ گوتنا سترانێ.
– جهێ دیاریکری بۆ گوتنا سترانێ.
– جۆرێ سترانێ.
– زانینا ئەوێ کو دێ بۆ کێ، کەنگی و ل کوێ بێژیت.
– ڕێزگرتن ل بوچوونێن جەماوەری.
– گەهاندنا پەیامەکا ڕوون و جوان ب شێوازەکێ گونجای.
هونەر کارەکێ گران و کەدەکا مەزنە. هەمی کەس شیانێن هەلگرتنا ڤی باری نینن. ئەگەر بارێ مە یێ هەلگرتی بیت، ئەم نەشێین بارێن دی ژی ڕاکەین. بۆیە، پێدڤییە هونەرمەند بەرپرسیارییا خۆ بزانیت و بەردەوام هەوڵ بدەت هونەرا خۆ پێش بخەت، ب شێوەیەکێ کو خزمەتا جڤاک و کەلتوورێ خۆ بکەت و ڕێزێ ل هەست و
گۆڤارا دەنگێ شێخان گۆڤارا دەنگێ شێخان
