تیکتۆک سەد ملیۆن دۆلار دەدات بۆ یەکلاکردنەوەی کەیسێکی لە دادگا

کۆمپانیای تیکتۆک ڕەزامەندی دەربڕیوە لەسەر پێدانی لانیکەم سەد ملیۆن دۆلار بە ویلایەتی ئالاباما وەک ڕێککەوتنێک بۆ یەکلاکردنەوەی ئەو تۆمەتانەی ئاڕاستەی کرابوون کە گوایا بەکارهێنەرانی خەڵەتاندووە سەبارەت بە سەلامەتی پلاتفۆرمەکە و سیستەمەکەی بە شێوازێک داڕشتووە کە ببێتە هۆی ئاڵوودەبوونی منداڵان

ئەم ڕێککەوتنە لە چوارچێوەی ئەو فشارە یاساییە بەردەوامانەدایە کە ڕووبەڕووی پلاتفۆرمەکانی سۆشیال میدیا دەبنەوە پەیوەست بە کاریگەرییە نەرێنییەکانیان لەسەر تەندروستی دەروونی بەکارهێنەرانی تەمەن بچووک و ڕادەی پاراستنی زانیارییە کەسییەکانیان